Edhe ditën e sotme me qindra protestues janë mbledhur në qytetin e Fierit në vendin që është përcaktuar si vendi ku do zhvillohet aktiviteti “Bashkia që duam”.
Me parulla në duar, ku shkruhet “Rama Ik! Jo oligarkëve”, kanë preferuar të vendosen në vendin e përcaktuar, ndërkohë që nuk kanë munguar edhe tensionet.
Ka qenë Kryetari i degës së Partisë Demokratike në Fier, Luan Baçi, i cili ka akuzuar policinë se ka provokuar, gjë që ka çuar edhe në nxehjen e gjakrave.
“Protesta jonë është paqësore, ne nuk provokojmë, po protestojmë kundër qeverisë dhe kryeministrit. Ne nuk jemi provokatorë si ju”, tha ndër të tjera Baçi.
