I shoqëruar nga Ministrja e Shëndetësisë Ogerta Manastirliu, ditën e sotme kryeministri Edi Rama ishte në ceremoninë e inagurimit të Agjencisë së re të barnave.
Gjatë fjalës së tij në ceremoninë e mbajtur Rama tha se tashmë, për herë të parë, Shqipëria ka një kompani që është e integruar në rrjetin e agjencive europiane të barnave dhe do të luftohet dhe kërkohet që të akreditohen nga BE laboratorët e kësaj agjencie.
Gjithashtu Rama tha se sot vendi ynë nuk ka më thjesht një godinë të re fizike, por ka një investim ku numri total i analizave që mund të kryhen aty, shkon në të paktën 600, 2-fishi i atyre që mund të kryente laboratori i trashëguar nga komunizmi dhe se cilësia e tyre është në përputhje me ato të BE.
“Vetëm në vitin 1965 Shqipëria krijoi kompaninë e kontrollit të barnave që është dhe pasardhësi i asaj që ne po inaugurojmë sot. Laboratori ishte në kontroll absolut dhe sistemi ishte i tillë dhe ajo që meriton të kujtohet është se u centralizua, u pengua rreptësisht ilaçi perëndimor. Agjencia e parë u formua në 1993, një riorganizimin i strukturës së shkuar, por si shumë riorganizime, u mbajt ADN-ja komuniste e mënyrës së të funksionarit të sistemit. Kemi zgjeruar fushën e aktiviteteve të agjencisë duke e ngjashmëruar atë me ato të agjencive europiane të medikamenteve. Në 2014 agjencia ishte e papërputhshme dhe një trup që nuk mund të integrohej në sistemin europian. Sot kemi arritur në pikën ku të akreditojmë laboratorët e rinj të agjencisë në BE. Sot ne kemi jo thjeshtë një godinë të re fizike, por bëhet fjalë për një investim ku nëse numri total i analizave që mund të kryente laboratori i trashëguar nga komunizmi ishte deri në 300 sot është të paktën 2-fishi dhe jo vetëm në numër por dhe cilësisht është fjala për analiza të përputhura me standarde europiane,”– tha Rama ndër të tjera.
Por kryeministri nuk mund të linte pa përmendur edhe Opozitën, duke thënë se sa herë që qeveria ndërhyn në një godinë, ata nga ‘pagjumësia’ akuzojnë për lukse të shfrenuara.
“Shpesh herë pyesin të gjithë dhe ndoshta me të drejtë, se përse u degjën shtatë vite për at bërë këtë gjë. Sepse nuk është vetëm kjo…kemi rifomratuar Ujësjellësit. Nëse këto gjëra do të ishin bërë 2-3 dekada më parë, sot do flisnim për gjëra të tjera. Nuk është kusuri ynë numbja e 30 viteve kohë….Ne prej disa vitesh, kemi ulur të paktën 30 % çmimin e barnave. Deri dje nuk merrje vesh se çfarë pije e çfarë të sëmurte e ç’të shëronte. Në total, janë mbi 8 milion auro të kursyera në vit. Deri dje paguhej 10 % plus për çdo kokërr aspirine, sot është hequr prej kohës. Mos harroni që në hyrje të QSUT ishte një nga pazaret më të mëdha të Tiranës për patate e të brendshme grash ishte adresa më e sigurt, ku në spital? Pazar, po, po për zarzavate e lodra fëmijësh si ai pazari ishte edhe sistemi i ilaceve, pazar dhe…çfarë pazari, kap çfarë të kapësh,”- tha kryeministri më tej.
https://www.facebook.com/edirama.al/videos/795008984636874/?vh=e&extid=D2mmTe0mHmOSFRQK&d=n
