Para tre ditësh në mediat italiane u përhap lajmi se futbollistja shqiptare ishte zhdukur në liqenin e Komos. 24-vjeçarja Florijana Ismaili është gjetur mëngjesin e sotëm e pajetë.
Trupi i pajtë i futbollistes shqiptare u gjet pas tre ditësh kërkime në liqenin e Komos në Itali. Trupi i saj u gjet në një thellësi prej 204 metrash dhe jo shumë larg vendit ku ishte zhdukur.
Ajo kishte shkuar me pushime nga Zvicra në Itali me një shoqen e saj, por pasi ishte futur në liqen, nuk kishte mundur dot të dilte më.
24-vjeçarja luante me Zvicrën dhe Young Boys. Mediat italiane kanë publikuar pamje nga momentet e tërheqjes së trupit të 24-vjeçares.
Ismaili, e lindur në Bern nga prindër shqiptarë, ka qenë pjesë e Young Boys që prej vitit 2011. Më 2014, ajo debutoi edhe në ekipin kombëtar të Zvicër dhe që prej atëherë i zhvilloi 33 ndeshje.
