Deputeti i dalë nga listat e Partisë Demokratike, Kujtim Gjuzi është përzënë nga qytetarët të cilët e kanë gdhirë ditën e sotme para sheshit të Teatrit Kombëtar.
Disa nga thirrjet e tyre ndaj deputetit ishin që të shporrej, duke e cilësuar edhe “sharlatan”.
Gjuzi kishte shkuar t’u bashkohej qytetarëve por edhe aktorëve në orën 03:20 të mëngjesit. Ai kishte shkuar me makinën e tij luksoze dhe i veshur me kostum.
Sjellja e tij është marrë si një provokim nga qytetarët të cilët as nuk e kanë dëgjuar deri në fund deputetin, si për t’i kujtuar se nuk ka qenë i ftuar nga asnjëri prej tyre.
Videoja ku qytetarët e kanë përzënë Gjuzin, është shpërndarë në rrjetet sociale, ku Gjuzi me siguri do të jetë penduar për vizitën e tij.
