Detaje të reja janë zbardhur nga plagosja me armë zjarri e një 29-vjeçari pak pas mesnatës së djeshme në Kavajë.
Ngjarja ndodhi rreth orës 01:00, tek ish fabrika e letrës dhe sipas ‘BalkanWeb’ Mario Xhafa fill pas plagosjes u dërgua drejt Spitalit të Durrësit për të marrë ndihmën mjekësore, ndërsa ndodhet jashtë rrezikut për jetën, ku raportohet se ka marrë një plumb në këmbë.
Sakaq, nëna e të riut është shprehur se djali i saj kishte dalë nga shtëpia në mbrëmje për t’u qethur tek berberi dhe se nuk ka pasur probleme apo konflikte me njeri dhe se ai nuk ishte objektivi i sulmit por ndodhej rastësisht aty.
Sipas Policisë, autor i dyshuar i ngjarjes është 27-vjeçari Viskont Hysi,i cili fillimisht është larguar nga vendi i ngjarjes, por pas një ore e gjysmë ndjekje dhe kerkimesh është bërë shoqërimi i tij ppër në ambientet e Komisariatit të Policisë Kavajë.
Deri tani nuk dihen ende motivet e ngjarjes, teksa grupi hetimor po vijon me punën për zbardhjen e detajeve.
