Një parukiere 42-vjeçare është arrestuar nga policia nën akuzën e vjedhjes.
Gjatë seancës, Ana.Q., nënë e një fëmije, ka shokuar gjykatësen me dëshminë e saj.
Ajo ka pohuar se me vajzën Xh.B., të cilës i ka marë rrobat personale dhe parfumet, ka një raport intim.
Ana.Q. pretendoi se kishte raport të veçantë me vajzën në fjalë dhe disa herë shkëmbenin veshjet e njëra-tjetrës.
Pavarësisht dëshmisë së Ana.Q., gjykata vendosi ndaj saj masën e sigurisë “Arrest me burg”.
Ajo akuzohet nga Prokuroria, se më datë 15 tetor 2019, në afërsi të kafe “Flora”, i ka vjedhur brenda në makinë shoqes së saj me iniciale Xh.B., një çantë, brenda së cilës ndodhej pasaporta, çelësat e shtëpisë, një telefon “i-Phone5”, një kostum sportiv, një palë këpucë , dy parfume dhe disa veshje të brendshme, që në total kapnin vlerën e 40 mijë lekëve.
Xh.B., ka pohuar se e pandehura i kishte vjedhur edhe 500 euro në banesë, por atëherë nuk e kishte denoncuar rastin, pasi i ishte betuar për djalin e saj, që nuk kishte gisht.
Ana.Q ndërkohë, është ndaluar në pikën kufitare të Kakvijës, ku i është sekuestruar edhe një telefon, të cilin dyshohet se ia ka vjedhur një vajze në qytetin e Korçës.
