Pak ditë më parë, policia arrestoi Eduart Lamajn i njohur ndryshe edhe me emrin Leandro Simoni, i cili u plagos në atentatin e ndodhur në Laç, i ndodhur në 31 maj, ku mbetën të pajetë biznesmenët Bujar Lika (Hasani) dhe Paulin Gjergji Marku. Policia ka bërë me dije se ditën e sotme ka arrestuar si bashkëpunëtor të Eduart Lamajt, një person me të shkuar kriminale të spikatur.
Ilir Xhepaj është një nga bashkëpunëtorët e arrestuar sot në Astir. Mësohet se Xhepaj kishte vetëm 3 muaj që kishte lënë burgun pasi ishte dënuar për grabitje.
Xhepaj ka pranuar përballë ëpolicëve se i njeh të arrestuarit, por ka mohuar përfshirjen në krimin e kryer. Ndërsa policia dyshon se ai është personi që neutralizoi në një makinë “Range Rover” dy fëmijët e biznesmenit Paulin Gjergji mbrëmjen e 30 majit. Xhepaj ndodhet në qelinë e burgut të Laçit, ndërsa ditën e hënë do të përballet me Gjykatën për akuzat që rëndojnë mbi të.
33-vjeçari qëndroi në arrati për një muaj e ndërsa në fotot e publikuara në media, në momentet e arrestimit, shihet i qetë dhe i veshur me veshje firmato. Më herët, “gazetareforma.com”, ka shkruar se pas arrestimit të tij, Eduart Lamaj është “rrëfyer” në polici, duke treguar edhe emrat e porositësve të atentatit të dyfishtë, por deri tani asnjë emër i porositësve të atentatit të Laçit nuk është bërë publik nga policia.
Nëse publikimi i identiteteve të porositësve nuk bëhet kurrë nga ana e policisë, kjo do të thotë se pala e tretë ka ditur shumë mirë se si t’u mbyllë gojën e për ta lënë ngjarjen në hije, ku për pak kohë do të harrohet nga drejtësia shqiptare.
Gati një muaj pas vrasjes, Xhepaj u tradhëtua nga nje telefonatë që e coi policinë në vendin ku ai fshihej në zonën e Astirit në kryeqytet. Nga numri i telefonit që përdorej nga bashkeshortja e 33- vjecarit, u kontaktua nje person qe jepte apartamente me qera ne Astir. Gjurmimi i këtyre qelizave coi ne lokalizimin e të dyshuarit, të cilin policia e mbajti në vëzhgim disa ditë derisa e arrestoi. Mësohet se ai është kapur poshtë pallatit ku fshihej dhe jetonte me qera në zonën e Astirit në Tiranë.
