Mëngjesin e kësaj të shtune, rreth orës 04:20 i është vënë tritol një lokali në Kamëz. Ngjarja ka ndodhur në një lokal në rrugën “Donald Trump”, ku fatmirësisht ka pasur vetëm dëme materiale.
Dyshohet se lënda plasëse ishte vendosur në ambientet e jashtme të lokalit, i cili ishte marrë me qira nga 24-vjeçari Oltjon Muçaj.
Nga kamerat e sigurisë duket qartë momenti kur autorët janë afruar me një makinë tip “Audi”, pasi studiuan zonën u rikthyen dhe vendosëm eksplozivin.
Policia po heton ngjarjen, po identifikon autorët dhe po merr në pyetje Oltjon Muçajn nëse ka pasur konflikt me ndonjë person, para se të ndodhte kjo ngjarje.
