Kryeministri Edi Rama zhvilluar sot një takim me kryetarët e bashkive të dalë nga zgjedhjet e 30 qershorit. Abc News shkruan se kreu i qeverisë ka qënë i prerë me direktivat që u ka dhënë kryebashkiakëve socialistë të dalë nga zgjedhjet e 30 qershorit. Kryeministri ka kërkuar sa më shumë kontakte me qytetarët.
Edhe pse distanca sociale është një nga pikat “kyçe” të mbajtjes larg të koronavirusitm kreu i qeverisë ka kërkuar nga të besuarit e tij për të gjetur mënyra takimi me qytetarët, duke riaktivizuar strukturat për zgjedhjet parlamentare të 2021.
“S’do ketë pushime, vijoni takimet me njerëzit. Pavarësisht pandemisë, gjeni mënyra për të zhvilluar takime,”-mësohet se është shprehur Rama.
Takimi i kryeministrit me krerët e bashkive vjen një ditë pas tij me deputetët socialistë, të cilëve po ashtu u kërkoi riaktivizimin e bazave për t’u përgatitur kështu për zgjedhjet e 2021. Rama e ka mohuar se do të mbahen edhe zgjedhjet lokale në 2021, ndonëse opozita insiston.
