Ashtu siç kishte premtuar, kryeministri Edi Rama shoqëroi ditën e sotme në Shkollë Alesion dhe Aurelin, dy vogëlushët, që i mbijetuan tërmetit të 26 nëntorit.
Ndërsa udhëtonin me makinë, kryeministri porositi dy djemtë e vegjël, që të jenë kampionë në mësime.
Alesio dhe Aureli do të ndjekin studimet në shkollën 9-vjeçare “Ahmet Zogu” në Kamëz.
Ata u pritën në oborrin e shkollës nga drejtori i shkollës.
Aurelit i cili është në klasën e parë, u prit nga mësuesi dhe shokët e shoqet, të cilët i dhuruan uniformën dhe një top.
Shefi i qeverisë shkoi më pas tek klasa e pestë ku do të studiojë Alesio.
Edhe këtij të fundit, i kishin rezervuar uniformën dhe një top futbolli.
Alesio dhe Aureli humbën njerëzit më të afërt në tragjedinë e 26 nëntorit në Thumanë, ndërsa vetë arritën të shpëtojnë mrekullisht.
