Të shtëna me armë zjarri janë regjistruar në mesditë në qytetin e Vlorës. Personi që ka mbetur i plagosur në ngjarjen e ndodhur pranë bibliotekës së qytetit është Marjon Mitro. Ai ka marrë dy plagë, por i ka shpëtuar pa pasoja të rënda atentatit të organizuar nga njerëz të panjohur. Mitro është person njohur për policinë dhe drejtësinë në Vlorë.
49-vjeçari, Marjon Mitro, objekt i atentatorëve, përveçse ka shërbyer shërbente si nyje lidhëse mes biznesmenëve dhe vrasësit famëkeq me pagesë Julian Sinanaj, dyshohet se porositi atentatin që mbeti në tentativë ndaj prefektit të Vlorës Besnik Dervishi.
Marjon Mitro është arrestuar më parë për akuzën e “Akteve Terroriste” dhe se ishte anëtar i bandës së vrasësve me pagesë të Julian Sinanajt.
Mitro kishte një vit që ka dalë nga burgu dhe lëvizte i lirë në qytetin e Vlorës. Mitro ka qenë i dënuar me 8 vite burgim në grupin e tritolit në Vlorë.
Nga atentati Mitro ka marrë dy plumba, një në krah dhe një tjetër e ka ‘gërvishtur’ në kokë dhe ndodhet në spital dhe jashtë rrezikut për jetën. Policia po heton në vendngjarje, ndërkohë që deri tani një automjet tip “Land Rover” është gjendur duke u djegur në aksin Vlorë-Selenicë. /Gazetareforma.com/
