Në prangat e policisë Kufitare të Morinës, ka rënë një person i cili ishte i shpallur në kërkim ndërkombëtar për vjedhje, grabitje dhe rrahje. Mësohet se personi i arrestuar është Skënder Murtezi, 45 vjeç nga Kosova. Gjatë verifikimit të të dhënave në Pikën Kufitare, Murtezi, rezultoi se ishte një person në kërkim ndërkombëtar nga NCB Zvicër.
Një gjykatë atje, e ka dënuar 45-vjeçarin me 2 vite e 9 muaj burg për veprat penale “vjedhje, grabitje, rrahje, si dhe veprime të turpshme me të mitur”. Tanimë, pritet që kosovari të ekstradohet drejt Zvicrës, për të ndjekur më pas, veprime të mëtejshme.
Njoftimi i Policië:
Morinë, Kukës
Vihet në pranga, me qëllim ekstradimi drejt Zvicrës, një shtetas i shpallur në kërkim ndërkombëtar për veprat penale “Vjedhje, grabitje, rrahje, si dhe veprime të turpshme me të mitur”.
Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:
Skënder Murtezi, 45 vjeç, banues në Koshare, Kosovë.
Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga NCB Zvicër, pasi Gjykata rajonale Aura Zvicër e ka dënuar me 2 vite e 9 muaj burg për veprat penale “Vjedhje, grabitje, rrahje, si dhe veprime të turpshme me të mitur”, parashikuar nga legjislacioni penal i Zvicrës.
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin e tij drejt Zvicrës, mbështetur në “Konventën Evropiane të Ekstradimit” të vitit 1957.
