Gjyqtarja Fatmira Hajdari u shkarkua nga KPK ditën e sotme për probleme me pasurinë.
Deputetja e opozitës Rudina Hajdari, u përlot gjatë fjalës së saj në foltoren e Kuvendit teksa fliste për këtë temë.
Ajo u shpreh se edhe pse iu shkarkua e ëma, ajo sërish beson tek Reforma në Drejtësi dhe do vijojë me këtë bindje.
Hajdari ka deklaruar po ashtu se iu sulën si ujqër disa deputetë të Kuvendit, pas këtij lajmi.
Ajo është shprehur:
“Dita e sotme ka nisur me një lajm për familjen time dhe disa këtu mu sulën si ujqër.
Unë besoj te reforma në drejtësi dhe do e mbështes deri në fund se shkon përtej interesave të familjes sime.
Sot u tregua që nuk jam në kuvend për interesa personale”.
Kujtojmë këtu se gjyqtarja Fatmira Hajdari po ashtu ka fshehur faktin edhe për revokimin e vizës amerikane.
Në seancën dëgjomore të KPK u publikua edhe një raport nga Drejtoria e Sigurimit te Informacionit te Klasifikuar (DSIK), që ka konstatuar deklarim të pasaktë të pasurisë pasi nuk ka burime të mjaftueshme financiare për të justifikuar asetet pasurore.
Sipas raporit problematika qëndron tek një pallat 10-katësh që ka probleme që në ngritjen e tij me probleme me pronarët, disa kredi në emër të të birit, 13 apartamente dhe 1 vilë që nuk ka burime financiare të ligjshme për të mundur ta justifikuar.
Të gjitha këto sollën shkarkimin e saj.
Në lidhje me revokimin e vizës amerikane, Hajdari u shpreh në seancën e parë dëgjimore të KPK se nuk i është ndaluar hyrja në ndonjë vend të BE-së apo NATO-s.
“Më është kërkuar pasaporta dhe më është komunikuar se jam në proces vettingu ndaj më revokohet viza”, ka thënë në seancën e parë dëgjimore gjyqtarja Fatmira Hajdari.
