Prokuroria e Tiranës ka kërkuar masën e sigurisë “Arrest me burg”, për 14 biznesmenët e arrestuar në kuadër të aksionit anti-informalitet. Ato janë Haxhi Sala, Ilia Dimo, Vasil Korita, Shkëlqim Prodani, Besnik Pelivani, Vangjush Mbriçi, Mhill Ndreca, Shpresa Joanidhi, Paqsor Buzi, Ardian Bejko, Astrit Lala, Fatmir Firi, Rabi Kurti, Riza Roshi, Rrapo Baduni.
Ndërkohë për Shkëlqim Prodanin, organi i akuzës ka kërkuar masën e sigurisë “Arrest shtëpie”, shkruan “Balkanweb”.
Hetimi ndaj tyre u bë nga drejtuesja e Prokurorisë së Tiranës, Elisabeta Imeraj.
Po kjo e fundit ka ngritur edhe akuzat ndaj tyre, për krijimin e skemave mashtruese, falsifikimin e vulave dhe stampave, si dhe fshehjen e të ardhurave.
Biznesmenët e arrestuar, operonin në fushën e ndërtimit kryesisht dhe të shërbimeve. Me veprimet e tyre, ata i kanë shkaktuar shtetit miliona euro dëme.
