Një aksident i katërfishtë është regjistruar ditën e sotme në qendër të qytetit të Fierit.
Sipas “Report tv”, një 30-vjeçar që lëvizte me biçikletë, është plagosur rëndë.
Në momentin që po kalonte në krahun tjetër të rrugës, ai u përplas nga një mjet tip “Benz”, i cili e hodhi 20 metra në asfalt.
Ndërsa “Benzi” kaloi në korsinë tjetër duke përplasur edhe tre makina të tjera.
I plagosuri ndërkohë u dërgua me urgjencë në spital, ku gjendja e tij është e rëndë, kurse drejtuesit e mjeteve që u përfshinë në aksident, kanë marrë lëndime të lehta.
Grupi hetimor ka nisur punën për zbardhjen e rrethanave të këtij aksidenti.
