Gjykata e Pogradecit ka vendosur burg pa afat për Olsi Çekiçin, 44-vjeçarin që masakroi me thikë nënën e tij më 6 gusht.
Vendimi u dha këtë të hënë nga gjyqtarja Luljeta Kolonja, pas akuzave të ngritura nga prokurori Gjergj Ceka.
44-vjeçari dukej i qetë në seancë dhe me maskë në fytyrë përkundrejt rregullave anti covid. Ai mbërriti në gjykatë i rrethuar nga shumë forca policie.
Ngjarja e rëndë ndodhi katër ditë më parë në fshatin Buçimas të Pogradecit. Sherri nisi për një telefon dhe autori ka dashur të vrasë vajzën e tij, por ka ndërhyrë nëna e tij 70-vjeçare për të mbrojtur mbesën e mitur.
Pas një konflikt verbal me të ëmën Firdes Çekiçi, ai ka rrëmbyer thikën nga kuzhina dhe e ka goditur atë. Më pas i ka prerë kokën me kosë dhe ia ka varur tek porta e shtëpisë me gjakftohtësi. E gjithë ngjarja ka ndodhur në sy të vajzës së mitur të autorit.
