Pas aferës së inceneratorëve, në skenë është shfauqur një tjetër projekt që duket se do pasojë atë. Opozita dhe media ka denoncuar atë që ka gjasë të shndërrohet në një nga aferat më të mëdha të shekullit, pasi janë në lojë 2 miliardë euro. Bëhet fjalë për Portin e Durrësit që qeveria po e kalon me procedurë të përshpejtuar dhe me një ligj special duke e shpallur kompaninë si investitor strategjik. Deri më tani opozita ka publikuar dokumente të cilat sipas tyre tregojnë se për zhvillimin e Projektit për Portin e Durrësit nuk është kompania Emaar siç ka propaganduar qeveria por është një kompani e cila 40% zotërohet nga Alabbar, ndërsa 60% e aksionerëve nuk dihen, pasi janë të rregjistruar në off shore. Spekulimet janë që kjo aferë po përdoret për të pastruar paratë e qeveritarëve dhe krimit të organizuar në kurriz të taksapaguesve shqiptarë të cilët do të falin rreth 1 milion metra katrorë tokë.
Por mesa duket të përfshirë janë edhe anëtarë të medias.Konfliktet e moderatorëve mes njëri tjetrit duket se po nxjerrin të palarat në publik. Moderatori i njohur Arian Çani ka hedhur akuza ndaj kolegut të tij Blendi Fevziu, duke ngritur pyetjen pse ai nuk flet për akuzat që janë ngritur për portin e Durrësit. Moderatori nuk kursen as ironinë duke u shprehur se Fevziu e ka marrë ‘kokën prej floriri kur shkoi të hante fileto në Dubai’.
Çani nuk ka lënë pa komentuar edhe deklaratat që Blendi Fevziu ka bërë sa herë që është pyetur në lidhje me pasurinë e tij, për të cilën është shprehur se e ka trashëgimi nga të parët. Moderatori i Zonë e Lirë thekson se ka dyshime edhe për këtë.
“Pse nuk flet Fantomasi për Portin e Durrësit, apo e mori kokën e Fantomasit prej floriri si dhuratë kur shkoi të hante fileto viçi në Dubai?
Po kur thotë që unë i kam paratë të trashëguara nga pronat…”, shkruan Çani.
Kujtojmë se Arian Çani dy muaj më parë në emisionin “Të Paekspozuarit” ofendoi Fevziun duke e quajtur atë “fantomas” dhe “mortje”. Dhe pse nuk e përmendi me emër, dukej qartë që sulmi i referohej modertorit të emisionit ‘Opinion’ Blendi Fevziut.
Pjesë nga biseda dy muaj më parë
Çani: O zoti Ylli kije pak mendjen këtu, se unë pak marr telefonin dhe ti bën namin
Rakipi: E kam me dikë që po më shkruante për këtë punë
Çani: Jam më i rëndësishëm se ai. Ti shikon kafshët dhe budallenjtë në ekranet e tjera që s’kanë fare lidhje me analizën, janë out. Si shikon fantomasët e ndyrë që na i shpifën
Rakipi: Kolegu ynë ka pyetur ambasadoren për paratë e pista
Çani: Po ç’koleg mo, ai është një mortje.
