Një protestë ka nisur para Bashkisë së Vlorë nga qytetarë të revoltuar për mungesën e furnizimit me ujë, problem që sipas tyre vijon prej pesë ditësh. Banorët u mblodhën në ambientet e jashtme të institucionit duke kërkuar zgjidhje të menjëhershme.
Gjatë protestës janë shënuar edhe përplasjet e para, ndërsa disa qytetarë kanë tentuar të hyjnë në bashki me bidona në duar. Ata kanë shprehur indinjatën për situatën, duke sharë dhe ofenduar drejtuesit vendorë.
“Duam ujë o maskarenj o të degjeneruar, pa ujë nuk ka jetë. Kemi 5 ditë pa ujë. Po zihemi me fëmijët. Duan të lahen. Po vjen 2026 dhe ne jemi pa ujë, t’u vijë turp maskarenj. Ju kemi zgjedhur me vota. I paçit haram votat tona. Ngrihuni si në 1997”, u shprehën protestuesit.
Qytetarët kërkojnë ndërhyrje urgjente nga autoritetet lokale për rikthimin e furnizimit normal me ujë, ndërsa paralajmërojnë vijimin e protestave nëse situata nuk zgjidhet.
