Policia arrestoi ditën e djeshme në Lushnje një 38-vjeçar.
Ky i fundit pas konflikteve banale me nënën e tij ka nxjerrë pistoletën.
Kanë qenë banorët e zonës që sinjalizuan policinë, e cila ndërhyri menjëherë duke parandaluar krimin.
Më pas ato arrestuan Edomond Kadiun, i cili kishte qenë emigrant për shumë vite dhe ishte kthyer në Shqipëri.
Efektivët sekuestruan gjithashtu një pistoletë me silenciator dhe 43 fishekë.
“Panorama” shkruan, se ka dyshime se 38-vjeçari vuan nga probleme të shëndetit mendor.
Kështu mësohet se ka deklaruar edhe nëna e tij gjatë dëshmisë në polici.
I arrestuari do t’i nënshtrohet ekspertizës mjeko-ligjore, për të parë nëse pohimet e nënës së tij janë të vërteta.
