Të enjten, vendi ynë do të ndikohet nga kushte të qëndrueshme atmosferike. Mëngjesi dhe mesdita do të karakterizohen nga mot i kthjellët dhe me diell në pjesën më të madhe të territorit, veçanërisht në jug të vendit, ku intervalet me diell do të jenë më të zgjatura.
Pasditja do të sjellë shtim të lehtë të vranësirave, kryesisht në zonat malore, por pa potencial për reshje. Ndërkohë, bregdeti dhe zonat e ulëta do të ruajnë motin e kthjellët edhe gjatë orëve të pasdites dhe mbrëmjes.
Temperaturat e ajrit do të pësojnë një rënie të lehtë në mëngjes, por do të rriten në mesditë, duke u luhatur nga 11°C në orët më të freskëta deri në 41°C në orët më të nxehta të ditës.
Era do të fryjë e lehtë deri mesatare gjatë gjithë ditës, me shpejtësi deri në 30 km/h nga drejtimi jugperëndimor, duke krijuar dallgëzim të lehtë në det, rreth 2 ballë.
