Dy ditë më parë Prokuroria e Durrësit procedoi penalisht 17 persona, të cilët sipas organit të akuzës janë shkaktarët njerëzorë të pasojave të tërmetit të 26 nëntorit.
Nga këto 9 u arrestuan, ndërsa 8 të tjerë janë shpallur në kërkim.
Mbi ta rëndojnë akuza të rënda, si “Vrasje me dashje”, “Vrasje në rrethana cilësuese”, “Shperdorim detyre” apo “Falsifikim dokumentesh”.
Një prej këtyre rasteve është edhe shembja e pallatit në lagjen Nr.6 të Durrësit, ku humbën jetën Hatije Rexhepi dhe Xhuljeta Gjana.
Në katin e parë të pallatit 6 katësh ishte ndërtuar “Bar Barons”.
Nga hetimet e prokurorisë rezultoi se pronari i lokalit, Artur Terziu, ka prishur strukturën mbajtëse, për të liruar sa më shumë vend. Gjithashtu ai ka instaluar edhe tre depozita uji voluminoze.
Shkeljet janë legalizuar nga ish-drejtori i ALUIZNI-t në Durrës, Flamur Gjuzi, shkruan “Tv Klan”.
Ky i fundit akuzohet nga prokroria për “Shpërdorim detyre.
Si Terziu ashtu edhe ish-kreu i ALUIZNIT janë në kërkim nga policia.
