Një grabitje e dhunshme është regjistruar në zonën historike të Frosinones në Itali, me protagonist një 21-vjeçar shqiptar.
Ky i fundit me armë në dorë, i ka marrë një 19-vjeçari të gjithë paratë që kishte në xhep.
Sipas mediave fqinje, shqiptari i mori italianit 100 euro, që kishte me vete.
Më pas ai u largua me shpejtësi në drejtim të paditur.
Viktima e sulmit lajmëroi menjëherë policinë, e cila erdhi në vendngjarje dhe regjistroi denoncimin.
Brenda një kohe të shkurtër, agjentët arritën të identifikonin shqiptarin dhe ta arrestonin.
Tashmë ai ndodhet në burg, në pritje për të dalë në gjyq.
Avokati i tij mbrojtës do të jetë Luiggi Tozzi.
