Një 30-vjeçar është arrestuar në Elbasan për mashtrim dhe vjedhje, pasi ka marrë një shumë prej 2300 eurosh nga një klient, duke u paraqitur si pronar i një subjekti.
Specialistët e Seksionit për Hetimin e Krimeve Ekonomiko-Financiare në DVP Elbasan, pas kallëzimit nga përfaqësuesi i një subjekti privat për transport mallrash, kanë ndërmarrë veprimet për kapjen e shtetasit E. S., 30 vjeç, banues në Përrenjas.
Hetimet kanë zbuluar se në muajin nëntor 2024, E. S., menaxher i një subjekti për transport mallrash kombëtar dhe ndërkombëtar, ka mashtruar një klient, duke iu bërë se ishte pronar dhe ka marrë shumën prej 2300 euro.
Prokuroria e Gjykatës së Shkallës së Parë të Elbasanit ka marrë materialet procedurale për të vazhduar me veprime të mëtejshme.
