Një shtetas shqiptar i kërkuar nga Interpol Tirana, i ka dhënë fund arratisë.
Ai është arrestuar disa ditë më parë në Londër, pas 24 vitesh fshehje.
Siç raporton “Top Channel”, bëhet fjalë për 50-vjeçarin, Arjan Hoxhaj.
Ky i fundit kishte hyrë në mënyrë ilegale në Angli.
Hoxhaj kërkohej nga drejtësia shqiptare për vrasjen e Ramadan Bregut, në 12 prill të 1995-ës.
Gjithashtu ai akuzohet edhe për tentativën e vrasjes ndaj Nefail Bregut.
Hoxhaj është dënuar me 23 vite burg në mungesë.
