Një shtetas shqiptar i kërkuar nga Italia për trafik droge, është arrestuar në Durrës.
Policia bën me dije, se në pranga ka rënë S.J., banues në Durrës.
Ndaj tij, Gjykata e Cagliarit kishte vendosur masën e sigurisë, “Arrest me burg”.
Mbi këtë person rëndojnë veprat penale të “Trafikut të drogës”, dhe “Përfshirje në organizatë kriminale”.
Arrestimi i tij u bë me qëllim ekstradimi drejt Italisë.
Njoftimi i policisë
Durrës
Një tjetër i kërkuar nga drejtësia italiane bie në prangat e Policisë së Durrësit.
Finalizohet operacioni “Ekstradimi”, zhvilluar nga Sektori për Hetimin e Narkotikëve në DVP Durrës, në bashkëpunim me Interpol Tirana.
Kapet dhe arrestohet me qëllim ekstradimi drejt Italisë, i kërkuari për trafikim të drogave të forta dhe pjesëmarrje në organizatë kriminale.
Specialistët për Hetimin e Narkotikëve në D.V.P Durrës, pas informacioneve të marra në rrugë operative dhe një punë të mirëorganizuar, në kuadër të operacionit “Ekstradimi”, bënë të mundur kapjen dhe arrestimin me qëllim ekstradimi drejt Italisë të shtetasit S. J., banues në Durrës.
Ky shtetas ishte shpallur në kërkim ndërkombëtar nga Interpol Roma, pasi Gjykata e Cagliarit, Itali, me vendimin Nr.7855/17, datë 17.07.2019 ka caktuar masën e sigurisë “Arrest në burg”, për veprën penale “Drogë, Kokainë, Organizatë kriminale”, parashikuar nga Kodi Penal Italian.
Interpol Tirana, në bashkëpunim me Interpol Romën, po vijon veprimet për ekstradimin e këtij shtetasi drejt Italisë.
