Prokuroria e Krimeve të Rënda kërkoi ditën e sotme 4 vite burg për gjyqtarin e Fierit, Roland Hysi, shkruan “Panorama”.
Gjyqtari është kapur në flagrancë nga kamerat e një emisioni investigativ, duke kërkuar 500 euro për një çështje.
Gjithashtu ai i kërkoi favore seksuale një gruaje, e cila ishte palë në proces.
Në të njëjtën kohë, prokurori i çështjes ka kërkuar ndalimin e ushtrimit të funksioneve publike për 3 vite për gjyqtarin Hysi.
Për shkak të gjykimit të shkurtuar, gjyqtari do të përfitojë ulejn me 1/3 të dënimit.
Në videon e transmetuar në emisionin “STOP”, gjyqtari dëgjohet teksa i thotë klientes së tij, se është mashkull potent edhe me autoritet dhe se mund t’i dallojë ngjyrën e të brendshmeve, pasi nuk i shpëton asgjë.
Biseda
Gjyqtari Roland Hysi: Kush ka besim te mua, ka fituar botën. Kam qenë 25 vjeç kryetari i Gjykatës së Bajram Currit…,kam qenë 25 vjeç,…. 93 -’95 dhe kur bridhja me 4 varëse floriri …. dhe kur bëja stërvitje dhe kur i kisha të gjitha …, e di si më rrinin nga mbrapa…? Në këmbë. Unë i trajtoj njerëzit si zyrtar dhe tërë jetën më kanë ardhur nga mbrapa më luteshin edhe sot e kësaj dite të njëjtën gjë kam…Më dëgjo një çikë Landin! Vetëm më dëgjo..! Të q… dhe më beso për këtë…! Të q…të gjithë më luten! Të të garantoj! Jam një mashkull i devotshëm, jam një mashkull potent dhe me autoritet!…
Nga ty, çfarë dua unë, në kuptimin e mirë të fjalës?! Ti rri rehat, mos më thuaj asnjë gjë! Atë, që e ndjen…,e di pse po ta them? Se do ndihesh më rehat. Fryj! Nxirre atë stresin! Jetoje me kënaqësi momentin! Të lutem… shijoje jetën! E di sa më vijnë mua? E kam shkelur botën më shpejt, para teje unë. Kam qenë në ‘94 në Holandë, Roterdam. Kam pas lekë më shumë se sa mund të kenë të gjithë shqiptarët bashkë. Ti, do të bësh qejf me mua?
Denoncuesja: Më ke thënë: Ta di ngjyrën e reçipetave!
Gjyqtari Roland Hysi: Jo! Ta thashë për tjetër gjë…,mua s’më shpëton asnjë gjë, të thashë. Më shikon edhe syri përtej asaj që nuk dallohet, madje mund të të di edhe ngjyrën e të brendshmeve, që nuk mund të shikohen, thashë.
Denoncuesja: Po!
Gjyqtari Roland Hysi: Atëherë, atëherë dëgjo Landin! Nuk jam nga ata njerëz, që të të peshoj unë ty, a je për seks apo jo? Sa femra më vijnë mua…! Jo, jo, nuk po ta them, që për të të thënë, që s’je në radhë apo jo. Absolutisht! Biseda ishte komplet në këtë kontekst. Unë i shikoj çdo gjë në sallë të gjyqit dhe kjo më bën atë, origjinalitetin tim, Landin, ky gjyqtari këtu, ky gangsteri. I kam të gjitha, pa diskutim, ta thashë vetë unë…
Denoncuesja: Do çohemi?
Gjyqtari Roland Hysi: Do më përqafosh mua?
Denoncuesja: Po, normale, që po…! Do të marr në telefon!
Gjyqtari Roland Hysi: Do të bësh dashuri me mua?
