Pedagogu i Elbasani, i cili u shfaq në video, duke i kërkuar favore seksuale një studenteje, është dërguar me urgjencë në pavionin e Kardiologjisë në QSUT.
Siç raporton “Faxweb”, Denis Himçi ka ndjerë shqetësime në zemër.
Dyshohet se shkak për dërgimin e tij në spital, është bërë tensioni i lartë arterial që mund të ketë kaluar.
Denis Himçi doli me zë dhe figurë në një video të transmetuar nga emisioni “STOP”, duke i kërkuar favore seksuale një studenteje në këmbim të një provimi.
Gjithashtu ai i premtoi studentes se do të ndërhynte edhe te provimet e tjera, ndërsa i ofronte edhe dhurata.
Në lidhje me rastin, Himçi është shprehur se ka qenë një inskenim dhe se ka rënë në kurth.
