Policia e Elbasanit arrestoi një 58-vjeçar të shpallur në kërkim për tentativë vrasjeje.
Njoftimi i Policisë:
Strukturat hetimore të DVP Elbasan, në bashkëpunim me strukturat e Komisariatit të Gramshit dhe Forcën Operacionale, ka finalizuar operacionin “Wanted”, duke arrestuar 58-vjeçarin Luan Taragjini në fshatin Grabovë.
Taragjini ishte në kërkim kombëtar pasi Gjykata e Apelit Tiranë e kishte dënuar me 10 vite burg për tentativë vrasjeje.
Ngjarja daton në shtator të vitit 2017, kur në fshatin Lenie, ai kishte tentuar të vriste me armë gjahu shtetasin L.T. Materialet për rastin i janë dorëzuar Prokurorisë për procedurat e mëtejshme.
