Autoritetet shqiptare kanë sekuestruar pasuri me vlerë rreth 228 mijë euro, pas një hetimi të gjerë ndaj një shtetasi të dënuar për trafikim të qenieve njerëzore.
Në fokus të hetimeve ishte Ismail Gjineci, 34 vjeç, banues në Tiranë, i cili është shpallur fajtor për këtë vepër penale.
Gjatë hetimit u zbuluar se një apartament dhe dy automjete, të regjistruara në emër të babait të tij, në fakt i përkisnin Gjinecit.
Për këto pasuri është zbatuar vendimi i Gjykatës së Tiranës për sekuestro preventive.
Hetimet vijojnë për të zbuluar edhe pasuri të tjera që mund të jenë regjistruar në emër të personave të tjerë, me qëllim fshehjen e lidhjes së tyre me aktivitetet kriminale.
Materialet janë dërguar në Prokurorinë e Tiranës për veprime të mëtejshme ligjore.
