Një aksident i rëndë ka ndodhur ditën e sotme në zonën e Yzberishtit ku për pasoj nga përplasja e fortë ka humbur jetën një person që udhëtonte me motor.
Policia a bërë me dije se personi që ka gjetur vdekjen është 45-vjeçari Fatmir Avdillari, i njohur ndryshe në këtë zonë edhe me nofkën “Xubi” i Yzberishtit. Avdillari nuk është një emër i panjohur për policinë pasi ai është dënuar më parë për vrasje, teksa pasi përfundoi dënimin u arrestua sërish për trafik droge në Kombinat, Kashar e Yzberisht në vitin 2017. Gjithashtu në spital është dërguar drejtuesja e mjetit shtetasja E.M., e cila ndodhet nën kujdesin e bluzave të bardha. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
Njoftimi nga Policia
Me datë 11.05.2021, rreth orës 14:15, tek bulevardi “Migjeni”, janë përfshirë në aksident mjeti tip “Toyota” me drejtuese shtetasen E. M., 38 vjeçe me mjetin tip “Opel” me drejtues L. P., 40 vjeç dhe me mjetin motorr me drejtues F. A. Si pasojë e aksidentit ka ndërruar jetë në vendngjarje drejtuesi i mjetit motorr shtetasi F.A., rreth 45 vjeç, si dhe është dërguar në spital drejtuesja e mjetit E. M., dhe ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.
