Gjykata e Sarandës ka vendosur sekuestrimin e disa pasurive të biznesmenit Romeo Laze, pas një kërkese të Prokurorisë së Rrethit.
Laze, i dënuar me 4.7 vjet burg në fund të vitit 2022 për prodhim dhe shitje narkotikësh, u arrestua më 28 gusht 2021 gjatë operacionit “Çuka”.
Gjatë kontrollit të banesës së tij, policia gjeti dhe sekuestrua 1.2 kg kokainë, 3 peshore elektronike, një shumicë parash në lekë dhe euro, si dhe 3 automjete dhe 3 motoçikleta.
Pas hetimit pasuror, gjykata miratoi kërkesën e prokurorisë dhe urdhëroi sekuestrimin e dy pasurive të paluajtshme në Sarandë dhe dy automjeteve të tij, me targa AB777RN dhe AA118DR.
Sekuestrimet u ekzekutuan dje nga Komisariati i Policisë Sarandë.
