I dënuar për drogë dhe vjedhje në Itali, i riu nga Durrësi bie në pranga

Google+ Pinterest LinkedIn Tumblr +

Policia arrestoi ditën e sotme 34-vjeçarin B.Q., me qëllim ekstradimi drej Italisë.

I riu është dënuar në shtetin fqinj me 14 vite burg për trafik narkotikësh dhe vjedhje me armë.

Operacioni për arrestimin e tij u krye nga Policia e Durrësit në bashkëpunim me Interpol Tirana.

Materialet proceduriale i kaluan Prokurorisë së Durrësit për veprime të mëtejshme.

Njoftimi i policisë

Vijon puna për kapjen e personave në kërkim ndërkombëtar. Finalizohet operacioni policor i koduar “Koordinimi”. Operacioni, nga DVP Durrës, në koordinim me Interpol Tirana. Kapet dhe arrestohet një 34-vjeçar, me qëllim ekstradimi në Itali, i dënuar për disa vepra penale. Strukturat e Drejtorisë Vendore të Policisë Durrës, krahas angazhimit maksimal për monitorimin e zbatimit të masave për parandalimin e përhapjes së COVID-19, vijojnë punën për goditjen e paligjshmërisë dhe për kapjen e personave në kërkim. Bazuar në informacionet e marra në rrugë operative, specialistët për Hetimin e Trafiqeve dhe Narkotikëve në DVP Durrës, në koordinim me Interpol Tirana, organizuan dhe finalizuan operacionin policor të koduar “Koordinimi”, në kuadër të të cilit u kap dhe u arrestua, me qëllim ekstradimi drejt Italisë, shtetasi B. Q., 34 vjeç, banues në Durrës. Gjykata e Apelit në Venecia, Itali, e ka dënuar me 14 vjet burg, për veprat penale “Trafikim i lëndëve narkotike”, “Vjedhja me armë” dhe “Vjedhja”, parashikuar nga Kodi Penal italian. Materialet e arrestimit të përkohshëm i kaluan Prokurorisë së Rrethit Gjyqësor Durrës.

Shpërndaje
Share.

Komento