Një 54-vjeçar shqiptar që ndodhej në qelinë e burgut grek prej 3 vitesh është shpallu i pafajshëm. Jani Zoto akuzohej për vrasjen e partneres së tij në vitin 2014 në Kos të Greqisë. Shqiptari i cili ishte në burg pa të drejtë, tani ndihet i lehtësuar dhe i shfajësuar pasi një pakistanez më në fund pranoi krimin.
“Në fund të fundit, ekziston një Zot. Zoti pati mëshirë për mua dhe më ndihmoi të zbulohej e vërteta. Në të vërtetë, tani mund të them se ndihem i shfajësuar pas shumë vuajtjeve. Askush nuk më besonte se isha i pafajshëm. Të gjithë menduan se e vrava dhe më burgosën padrejtësisht” shprehet shqiptari që i shpëtoi për ‘fije’ të perit burgut.
Ndërkohë duke folur për tre vitet e burgut ai thotë:
Tre vite të jetës sime i kalova në burg ndërsa isha i pafajshëm dhe bërtisja por askush nuk më dëgjonte. Ishin vitet më të vështira të jetës sime. Nuk ka gjë më mizore se të “pagëzohesh” vrasës pa kryer asnjë krim. Ndjeva se po më shkatërrohej nderi dhe dinjiteti dhe nuk mund të bëja asgjë. Fëmijët e mi u mërzitën kur dëgjuan se babai i tyre ishte një vrasës.
Tani ai dëshiron të vazhdojë jetën dhe të lërë pas të gjitha të këqijat që ka jetuar.
Kjo grua ishte shoqja ime, unë jetoja me të dhe nuk kisha se si të bëja keq.
Vrasja e rumunes Aciu Flopjca, nënë e tre fëmijëve, në Kos në vitin 2014 u zbulua pasi një pakistanez pranoi krimin. Korrikun e vitit të kaluar në Gjermani u arrestua një pakistanez i cili ishte autori i vrasjes. Pakistanezi u arrestua në Gjermani për vjedhje në dyqan dhe pas gjatë hetimeve ai rrëfeu se kishte vrarë gruan rumune.
Në prill të këtij viti u zbulua mospërfshirja e 54-vjeçarit në krimin e rëndë. 54-vjeçari është dënuar në qershor të vitit 2015 me burgim të përjetshëm dhe 1000 euro gjobë. Shqiptari tashmë është liruar me kushtin që të mos dalë jashtë vendit dhe paraqitjen e tij një herë në muaj në komisariatin pranë vendbanimit të tij.
