Një pjesë e antarëve të Partisë Demokratike kanë qenë vazhdimisht të zhgënjyer në lidhje me disfatat e njepasnjëshme të Lulzim Bashës në karrierrën e tij politike. Ndër personat që e ka parë me shumë skepticizëm drejtimin e Partisë Demokratikë nga Lulzim Basha edhe pse humbi në disa zgjedhje si vendore ashtu edhe lokale ka qenë deputeti demokrat Belind Këlliç.
Këlliçi ka treguar arsyet se përse është zgjënjyer nga ish-kryetari i PD-së Lulzim Basha.
Këlliçi tha se e ka mbështetur pa kushte dhe i ka dedikuar vitet më të bukura të jetës time, por kjo gjë nuk i është vlerësuar.
Ai deklaroi në emisionin “Kjo Javë” se Basha e shpalli armik pavarësisht punës së tij, ndërsa theksoi se ajo që e ka bërë të humbë besimin të ky i fundit janë aktet dhe premtimet e pambajtura.
“Sigurisht e kam mbështetur që kur është zgjedhur, kam qenë pjesë e shtabit të tij në bashkinë e Tiranës, dhe të punosh për 10 vite me një politikan, ta mbështetës pa kushte, se i kam dedikuar vitet më të bukura të jetës time, kam hyrë 25 vjeç dhe jam 35 vjeç, dhe të zhgënjehesh plotësisht, dhe aktet politike të mos kenë asgjë të ngjashme me premtimet, është zhgënjim i madh.
Ky zhgënjim ka nisur në 2017 dhe në mënyrën si u përpiluan listat, vrasja e meritokracisë brenda PD, zhgënjimi si drejtues i forumit rinor dhe mospërfillja e asnjë të riut, dhe përjashtimi i tyre për të garuar, kulmoi më pas me refuzimin e pranimit të realitetit pas humbjes së zgjedhjeve.
Basha duhet të ishte larguar vetë në 2017 dhe të garonte më pas për kryetar të PD. Vendimmarrja e Bashës shpesh ka qenë e nxitur nga një rreth i ngushtë këshilltarësh që nuk kanë lidhje me këtë forcë politike dhe nuk e duan atë. Kam besuar deri në sekondën e fundit që do t’i fitonim zgjedhjet e kaluara, por kur humb sërish dhe refuzon të pranosh humbjen dhe refuzon të bësh një analizë, si dhe kur i vendos objektiv kandidatëve të tu, në vend të marr minimumi një mirënjohje, shpallem armik i partisë”, nënvizoi deputeti
