Deputeti i Partisë Demokratike, Saimir Korreshi, ka postuar sot në mediat sociale një fotografi me disa produkte bujqësore.
Me kastravecë dhe presh në duar, deputeti i Lushnjes shkruan se është rrugës për në Kuvend, për t’ia dhënë qeverisë këto produkte bio nga fermerët e Myzeqesë.
“Rrugës për në Parlament. Duke i sjell produkte BIO qeverisë direkt nga fermerët e Myzeqesë”, shkruan ai.
Ndërkohë fermerët e Myzeqesë janë në protestë për të dytën herë brenda këitij muaji dhe kërkojnë të plotësohen gjashtë kërkesat e tyre të cilat i kanë pasqyruar edhe në peticionin drejtuar qeverisë.
Ata kërkojnë kryesisht subvencionimin e prodhimit, por edhe ngritjen e laboratorëve për analizat e tokës, rregullimin me ligj të tregtisë së prodhimeve bujqësore, vlerësim për produktet e humbura nga fatkeqësitë natyrore.
Fermerët paralajmërojnë senëse nuk merret ndonjë veprim konkret dhe qeveria nuk reagon, protestat do të përshkallëzohen në çdo qytet të Shqipërisë.
KËRKESAT E FERMERËVE TË MYZEQESË:
Subvencionim direkt i fermerit për njësi të prodhimit dhe 10 lekë për kg.
Barazim i tvsh ne shitje dhe blerje
Pezullim i tvsh për plehrat kimike dhe inpute bujqësore me masën 10%
Laboratore analizash për tokat dhe perimet
Garanci pagese te faturave te shitjes nga grumbulluesit
3 leke për kg t’u jepet eksportuesve ne dogane.
