I ati i 17-vjeçarit të plagosur gjatë një sherri në Sarandë ka dhënë detaje mbi ngjarjen dhe gjendjen shëndetësore të të birit.
Sipas tij, i riu ndodhet nën kujdesin e mjekëve në Spitalin Rajonal të Vlorës dhe është jashtë rrezikut për jetën, pasi thika nuk ka prekur organet jetësore.
Babai i të plagosurit ka zbuluar se konflikti mes palëve kishte nisur më 22 mars, kur djali i tij ishte dhunuar me levë nga të njëjtët persona.
Nga frika e kërcënimeve, ai kishte deklaruar para familjes dhe policisë se ishte rrëzuar nga shkallët.
Ngjarja u përshkallëzua më 27 mars, kur 17-vjeçari u sulmua sërish nga të njëjtët persona, duke u goditur me thikë.
Babai i tij kërkon që autorët e përfshirë në këtë incident të rëndë të arrestohen dhe të përballen me drejtësinë.
