Një ngjarje e rëndë ka ndodhur pasditen e sotme në Elbasan, pasi një e moshuar është gjetur e pajetë në banesën e saj rreth orës 19.00.
Ka qenë i biri, që konstatoi se e ëma ka ndërruar jetë, teksa kërkoi ndihmë policisë lokale, pasi prej dy ditësh ajo nuk i përgjigjej më në telefon shkruan Balkanweb.
Futja brenda apartamentit ku jetonte e vetmuar gruaja e moshuar është mundësuar nga PMNZSH, të cilët kanë arritur fillimisht të futen nga dritarja e katit të katërt.
Më parë është hapur dera e apartamentit dhe policia konfirmoi më pas se e moshuara që jetonte e vetmuar ishte pa sheja jete.
Trupi i saj është dërguar në morgun e qendrës spitalore të Elbasanit për t’i bërë autopsinë për të përcaktuar shkakun e vdekjes së saj, teksa ende nuk ka asnjë pistë të dyshimtë.
