Të gjithë e mbajnë mbend superbrabitjen e ndodhur pak muaj më parë në aeroportin e Rinasit, ku miliona euro u grabitën për më pak se 5 minuta.
Atë ditë, një nga personat që morën pjesë në grabitje, Admir Murataj mbeti i pajetë. I implikuar në këtë grabitje u përfol edhe shtetasi kosovar Ragip Hajdini. Ai njihet me nofkën “Daja”.
Ky i fundit është një nga 6 të arrestuarit e akuzuar për grabitjen e milionave që ndodhi në 9 prill 2019.
Hajdini u arrestua pranë Shkëmbit të Kavajës. Por në një video të sekuestruar nga Prokuroria për Krimet e Rënda, rezulton se Rexhep Hajdini, në momentet kur ka ndodhur grabitja, ka qenë në një restorant në Spitallë duke drekuar me disa miq të tij.
Gjykata ka dhënë masën e sigurisë arrest me burg për të. Edhe më herët Hajdini është shprehur se nuk ka lidhje fare me grabitjen dhe se nuk është ai personi me nofkën “Daja”.
50-vjeçari nga Peja ka kërkuar edhe ballafaqim me Alkond Bengasin, pasi ky i fundit e ka përfshirë në grabitje, duke e përmendur në dëshminë e tij.
Ragip Hjadini ka qenë i pranishëm edhe në Tropojë, kur u krye ceremonia mortore e Admir Murataj.
