Programi i shumëpritur “Big Brother Vip” ka nisur transmetimin që para një jave. Pjesë e shtëpisë më të famshme janë 14 personazhe të njohura nga sfera të ndryshme të showbiz-it:
- Ilir Shaqiri
- Sheila Haxhiraj
- Donald Veshaj
- Paloma
- Elhaid Cufi
- Beniada Jakic
- Sabiani
- Semi Jaupaj
- Granit Cana
- Kledi Hysa
- Arjola Demiri
- Fifi
- Ardit Cuni
- Monika Lubonja
E teksa kanë kaluar 7 ditë që nga nisja e tij, duket se në spektaklin që do të transmetohet mbrëmjen e sotme do të ketë hyrje të reja. Pritet që do të jenë 3 emra të njohur të tjerë që do t’i bashkohen shtëpisë.
Një ndër banorët që përflitet se do të jetë pjesë e “BBV” është këngëtarja Beatrix Ramosaj, e cila në fillim të tetorit siç konfirmojnë burime të Prive.al ka qenë duke u përballur me COVID-19. Po ashtu, flitet se sonte do të bashkohet edhe aktorja Ema Andrea, për të cilën “Iconstyle.al” ju bëri me dije para pak kohësh.
Edhe pse ka vetëm një javë që “BBV” ka startuar, kanë nisur debatet e madje afrimitetet e para.
Ajo që po komentohet shumë në rrjet është marrëdhënia e Fifit me Granit Canën. Ata kanë shfaqur herë pas here afrimitet mes tyre, gjë që i ka nxitur këto zëra. Ndërkohë së fundmi, në një bisedë dyshja kanë diskutuar se si do të vazhdojë raporti mes tyre pas “Big Brother VIP”.
