Ashtu si edhe është lajmëruar më herët, këtë muaj ka hyrë në fuqi VKM-ja për rritjen e pagave për disa kategori.
Ata që do të përfitojnë do të jenë mësuesit, ushtarakët, diplomatët, edukatorët dhe policët e burgjeve. Mirëpo si janë të ndara rritjet në bazë të kategorisë?
Sa i përket sistemit arsimor, drejtori i arsimit të mesëm nga 57.750 lekë do të paguhet 61.000 lekë. Pra rritja është në masën 6%, e njëjta është praktikuar edhe për mësuesit, të cilët janë të ndarë sipas cikleve, kulifikimeve dhe vjetërsisë në punë.
Ndërkohë që një rritje në përqindje më e lartë është për edukatorët e kopshtit, të cilët do kenë një rritje prej 9%. Konkretisht për një edukatore kopshti, paga bazë shkon nga 31.350 lekë në 34.000 lekë.
Ushtarakët kanë një sistem tjetër. Paga e gjeneralëve dhe gradave të tjera më të larta nuk do të lëvizë, ndryshimi do të jetë në hallkat më të ulta. Pra “ushtari i parë” i cili ka marrë vetëm 33.600 lekë në muaj, tashmë do të marrë 39.300 lekë, pra është një rritje gati 17%.
Për t’u njohur me rritjet konkrete për secilën kategori shikoni tabelën e mëposhtme.
