Një aksident i rëndë është shënuar mëngjesin e sotëm në aksin rrugor Pogradec–Qafë Thanë, ku një 34-vjeçar ka humbur jetën.
Sipas të dhënave paraprake, drejtuesi i mjetit, shtetasi A. B., ka dalë nga rruga dhe automjeti ka përfunduar në liqen, pasi ai dyshohet se ka humbur kontrollin gjatë drejtimit.
Fatkeqësisht, për shkak të dëmtimeve të marra, drejtuesi i mjetit ka ndërruar jetë në vendngjarje.
Grupi hetimor, nën drejtimin e Prokurorisë, ndodhet në terren dhe po punon për të zbardhur dinamikën e plotë të aksidentit.
Njoftimi i policisë:
Pogradec/Informacion paraprak
Mëngjesin e sotëm, në aksin rrugor “Pogradec-Qafë Thanë”, automjeti që drejtohej nga shtetasi A. B., 34 vjeç, dyshohet se si pasojë e humbjes së kontrollit mbi drejtimin e automjetit nga shtetasi A.B, automjeti ka dalë nga rruga dhe ka rënë në liqen. Drejtuesi i automjetit, shtetasi A.B, ka humbur jetëm.
