Një aksident automobilistik është regjistruar mbrëmjen e sotme në rrufën “Kadri Roshi” në Tiranë.
Një 39-vjeçar me inicilae SH.K., ka humbur kontrollin e mjetit dhe ka goditur dy kalimtarë në trotuar.
Sipas policisë, kalimtarët M.B 29 vjeç dhe F.C. 25 vjeçe, janë jashtë rrezikut për jetën.
Menjëherë pas aksidentit, drejtuesi i mjetit është larguar.
Pas veprimeve të policisë, ai është identifikuar dhe shoqëruar për veprime të mëtejshme.
Njoftimi i plotë i policisë:
Tiranë/Informacion paraprak
Rreth orës 19:10, në ” Yzberisht” , në rrugën “Kadri Rroshi”, shtetasi SH.K, 39 vjeç, banues në Fushë Prezë, ka humbur kontrollin mbi drejtimin e mjetit dhe për pasojë mjeti ka dalë në tortuar ku dhe ka goditur dy kalimtarë të rastit, shtetasin M.B 29 vjeç dhe shtetasen F.C 25 vjeçe, të dy jashtë rrezikut për jetën
Drejtuesi i mjetit pas aksidentit ka braktisur mjetit dhe është larguar por pas kontrolleve të ushtruara nga shërbimet e Policisë Rrugore dhe të Komisariatit të Policisë nr 6 është shoqëruar për veprime të mëtejshme në ambientet e Komisariatit.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
