Dy turistë francezë, të cilët po eksploronin Parkun Kombëtar të Llogarasë, humbën orientimin në një terren të pyllëzuar dhe kërkuan ndihmë nga Policia.
Pas marrjes së njoftimit, shërbimet e Policisë Himarë, së bashku me zjarrfikësit e Bashkisë Himarë, nisën menjëherë operacionin e kërkimit.
Pas tre orësh përpjekje në kushte të vështira, turistët u lokalizuan dhe u transportuan në hotelin ku qëndronin, në gjendje të mirë shëndetësore.
