Humbën në Llogara, policia i gjen turistët hungarezë në Karaburun

Google+ Pinterest LinkedIn Tumblr +

Ditën e djeshme dy turistë hungarezë humbën në Llogara. Ata kishin dalë të eksploronin zonën, por prej disa orësh kanë rezultuar të humbur.

Policia i ka vijuar kontrollet gjatë gjithë natës, por mëngjesin e sotëm policia ka njoftuar se i ka gjetur shëndoshë e mirë.

Dy turistët hungarezë janë gjetur, në një zonë të thellë të Karaburunit.

Në kërkim të tyre kanë qenë punonjësit e qendrës së vizitorëve të Radhimës, së bashku me policinë kufitare dhe Delta Forcë.

Mendohej se çifti i turistëve ishte strehuar në gjirin e Shën Andreas, pai kishin shkuar me gomone nga deti.

Mëngjesin e sotëm, ata kishin njoftuar me një mesazh në celular se ndodheshin në një zonë të thellë të Karaburunit.

Pas mesazhit të tyre, policia ka shkuar në ndihmë, ku edhe i ka gjetur shëndoshë e mirë.

Shpërndaje
Share.

Komento