Një ngjarje e rëndë ndodhi ditën e djeshme në Itali. Një 26-vjeçare shqiptare ndërroi jetë, pasi u mbyt në plazhin e Metapolontos, në Itali.
Viktima Fatjona Kallmi kishte shkuar në plazh me bashkëshortin dhe dy vajzat e saj 3 dhe 6 vjeç. Ajo ndodhej në det së bashku me vajzën e saj 6-vjeçare, ndërkohë që bashkëshorti i viktimës ndodhej në çadër me vajzën e vogël.
Ka qenë roja i plazhit që ka bërë të mundur nxjerrjen e vajzës dhe të nënës së saj, por kjo e fundit nuk ka mundur dot të shpëtojë. Për fat të mirë, vajza e madhe gëzon shëndet të plotë.
Në shenjë zie të gjithë pushuesit mbyllën çadrat dhe shezlonët në zonën përreth. Viktima jetonte prej disa vitesh me bashkëshortin e saj dhe dy vajzat në Toritto të Barit.
