Një ngjarje tragjike ka ndodhur pasditen e sotme në plazhin e Qerretit, në Kavajë, ku një turiste 42-vjeçare nga Çekia ka humbur jetën pasi u mbyt gjatë notit në det.
Sipas njoftimit zyrtar të Policisë, ngjarja ka ndodhur rreth orës 16:00. Viktima, e identifikuar me inicialet K. K., ishte duke u larë në det kur është mbytur aksidentalisht.
“Rreth orës 16:00, në plazhin e Qerretit, Kavajë, duke u larë në det, është mbytur aksidentalisht shtetasja K. K., 42 vjeçe, banuese në Çeki. Grupi hetimor vijon punën për sqarimin dhe dokumentimin e plotë të rrethanave të ngjarjes dhe shkakut të mbytjes”, thuhet në njoftimin e Policisë.
Autoritetet po vijojnë hetimet për të zbardhur në detaje shkaqet e kësaj ngjarjeje të rëndë.
