Ditën e sotme në qytetin e Prizrenit, një e moshuar 76 vjeçare ka humbur jetën nga COVID-19.
Sipas autoriteteve pacientja ishte shtruar në spitalin e Prizrenit që me datë 7 qershor dhe kishte edhe sëmundje të tjera bashkëshoqëruese.
Deri më tani në Kosovë janë 33 viktima të cilat kanë humbur jetën nga koronavirusi.
Ndërkohë në Klinikën Infektive të Qendrës Universitare janë të shtruar 40 pacientë me COVID-19.
Nga këta 27 raste janë në gjendje stabile, 12 janë duke u trajtuar në repartin e oksigjenoterapisë me përkujdesje intensive.
Vetëm një pacient është në gjendje kritike për jetën dhe po trajtohet me frymëmarrje të asistuar dhe përkujdes intensiv.
