Ministri i Brendshëm, Ervin Hoxha, ka konfirmuar se dezinformimi i ndikuar nga propaganda ruse ka arritur të depërtojë në Shqipëri, duke përdorur kryesisht gjuhën serbe.
Gjatë raportimit në Komisionin kundër dezinformimit, Hoxha theksoi se Shqipëria është më pak e ndikuar nga fushatat hibride të Rusisë dhe satelitëve të saj në rajon, ndërsa ka shtuar se kohët e fundit ka pasur një rritje të portaleve në gjuhën shqipe, edhe pse ato kanë shikueshmëri të kufizuar.
Ai theksoi se kjo situatë është një sfidë për sigurinë e vendeve demokratike dhe se Shqipëria ka prioritet të parandaluar sulmet hibride për të mbrojtur rendin dhe sigurinë kombëtare.
Ministri gjithashtu përmendi sulmin kibernetik të Iranit ndaj Shqipërisë, duke theksuar bashkëpunimin e ngushtë me partnerët ndërkombëtarë për minimizimin e dëmeve.
