Kryeministri i Kosovës Avdullah Hoti, bëri të qartë gajtë një interviste për “ABC News”, se nuk do të bëjë pazare dhe koncesione me territorin e Kosovës.
“Nuk do të bëj pazare dhe koncesione me territorin e Kosovës”, deklaroi Hoti duke shtuar se synon një marrëveshje e cila do të përmbyllet me njohje reciproke.
“Nuk do të ketë zgjidhje të ndërmjetme, që lë problemin e hapur, se ashtu e kemi. Unë po punoj në atë drejtim, të shohim në muajt në vijim. Nëse nuk mbërrijmë në marrëveshje do të ishte për keqardhje, por nuk kemi çfarë bëjmë. As pazare me territorin dhe as koncesione. Kemi hyrë për të normalizuar marrëdhëniet, të adresojmë të gjitha çështjet me parimet ndërkombëtare. Nuk do të jem asnjëherë i gatshëm të bëj zgjidhje kreative të ndryshme, që nuk të çojnë askund”, u shpreh Hoti.
Kreu i qeverisë së Kosovës komentoi dhe marrëveshjen ekonomike të 4 shtatorit të nënshkruar në Uashington nga Kosova e Serbia me praninë e presidentit amerikan Donald Trump.
“U desh ndoshta një shtytje e madhe nga Uashingtoni për BE-në, edhe për dialogun që është duke ndodhur në Bruksel, dhe vëmendja e presidentit Trump ka qenë në këto, pra cfarë mund të bëjnë Shtetet e Bashkuara të Amerikës, në mënyrë që të nxisin bashkëpunimin ekonomik në mes të dy vendeve. Nuk po them që ti bëjnë vende të varura nga njëra-tjetra, por të hyjmë në projekte të mëdha që i lidhin fuqishëm ekonomitë tona, dhe jo vetëm këto dy ekonomi, por edhe regjionin në tërësi,” pohoi kryeministri i Kosovës.
Burimi: ABC News.al/ Përshtati Gazetareforma.com/
