Një ngjarje e tmerrshme në përmasat e horrorit ka ndodhur në lagjen numër 15. në Korçë.
Një nënë pasi ka lindur, ka futur të porsalindurin në një valixhe, dhe më pas ai ka ndërruar jetë.
Mësohet se nëna vuan nga probleme të shëndetit mendor. Ngjarja bëhetë akoma më rrënqethëse nga informacioni se nëna ka fshehur për rreth 1 muaj fëmijën në banesë, ndërkohë që ngjarja është zbuluar nga burri i saj. Tashmë trupi i foshnjës po i nënshtrohet një ekspertize mjeko-ligjore.
Ishte pikërisht bashkëshorti i saj ai që zbuloi makabritetin, duke njoftuar kështu policinë. Bashkëshorti i saj, i cili ishte emigrant në Greqi, ka qenë ai i cili ka njoftuar policinë pasi ka gjetur foshnjën në valixhe pa jetë.
Theksojmë se ai ishte kthyer prej një muaji në Shqipëri, ndërsa ka deklaruar në polici se gjatë kësaj periudhe ndiente një erë të rëndë në banesë, por vetëm dje ka zbuluar se foshnja pa jetë ishte futur në valixhe dhe ishte fshehur në dollap.
Ndërkohë që bëhet me dije se tashmë gruaja po mbahen në vëzhgim nga efektivët dhe mjekët dhe ndodhet në maternitetin e qytetit.
Policia njofton se grupi hetimor po punon për sqarimin e rrethanave dhe dokumentimin e plotë të kësaj ngjarjeje tronditëse.
